بدأت كلمة الرئيس عبد الفتاح السيسي، في اليوم الثالث لمؤتمر دعم وتنمية الاقتصاد المصري، حيث يستعرض ما تحقق خلال المؤتمر حتى الآن.

وإلى مقتطفات من كلمة الرئيس السيسي:

- السيسي: تحيا مصر

- السيسي يدعو مجموعة من الشباب ممن شاركوا في الإعداد للمؤتمر بالوقوف بجانبه على المنصة.

- السيسي: الحقيقة هما مجهزين كلمة كالعادة.. لكن انا عايز اكلمك حديث انا مرتجله

- السيسي يوجه التحية للحضور لمشاركتهم في المؤتمر.

- السيسي: أنا عايز اكلمكم عن بلادي مصر لأن فيه ناس كانوا فاكرين ان بلادي مات.. لا لا لا مصر ديه ربنا خلقها عشان تعيش.

- السيسي : من 150 سنة بس كانت فيه بعثة من دولة عظيمة جدا جاية تشوف مصر عام 1862 نشوف الدولة العظيمة ديه تشوف العظمة كانت اليابان جاءت تشوفنا احنا مين وازاي.. وبعدين جت بعثة من كوريا .

- السيسي: أنا بفكر العالم وبقول إن الدولة ديه تستيقظ الآن.

الحضور يردد تحيا مصر تحيا مصر 

- السيسي: تحيا مصر تحيا بشعبها بشبابها .. مصر اللي فيها أكثر من 35 مليون شاب.

- السيسي: مصر مابتموتش .. صحيت وهتصحي.. انا كنت هكلمكم عن الوقت وأهميته.. كنا بنكلم مع الشركة اللي هتعمل مشروع العاصمة الجديدة.. الشركة كانت عايزة 10 سنين وانا قولت لا .. ليه .. لآن 10 سنين هنكون زدنا 26 مليون.. الوقت حاسم.

السيسي: كل كلامنا مع الشركات انا مستعجل.. احنا متاخرين.. الجري مش هيكفي.. محتاجين نتحرك بسرعة أكتر من كده.

السيسي: كنت قاعد مع مدير شركة سيمنز.. وكنا ينتكلم انهم هيعمل محطة للطاقة وكانوا بيتكلوا انها هتكون جاهزة بعد 36 شهر وانا قولت انها ممكن تكون في سنة ونص.

- السيسي: اتكلمت مع الشركة وقولتلهم راعونا في التكلفة المالية شوية.. انا بقول الكلام ده لنفسي ولكل مسؤول .. بقول كل مشروع متقدرش تعصر تكلفته المالية .. هامش الربح قلله شوية عشان انا محتاج ده منك دلوقتي.. الشكرة ديه لما طرحوا عليا التكلفة المالية فأنا قولتله ممكن تخفض التكلفة قالي ممكن,, انا بقول كده ليه لأن احنا عايزين نبني بلادنا.. وندي أمل حقيقي للناس.. وعشان ده لآزم نعمل كل حاجة مشروعة .. فإدوني رقم هايل الصراحة.

- السيسي: 13200 ميجا كهربا من شركة واحدة (سينمس) لازم يضخوا خلال سنة ونص في الشبكة المصرية عشان المستثمر الموجود يجد طاقة ليه والشعب ميكونش عنده كهرباء.

- السيسي: شركة جنرال البكترك .. انا بشكرهم .. قالوا هنرفع كفاءة المحطات في 23 أو 30 شهر .. أنا بقول الكلام ده عشان اقول احنا ازاي مهتمين ببلادنا.. فقولتهل ممكن يكونوا 8 شهور .. فقالي ممكن يكونوا 8 شهور. بس قالي كده احنا مش هنام .. فقولتهل معلش. طب التكلفة المالية فقولتله عشان خاطر ربنا كده لغاية ما وصل لرقم معين فقولتلهم شيلوا الـ 100 مليون .. فشلوه-.

- السيسي: الشركتان جابين التمويل من بلادهم.. يعني اذا كنا بتكلم في تقريبا المحطة الواحدة 2 مليار يورو يعني 6 مليار تمويل من الدولة الألمانية.

- السيسي: الفايدة على المبلغ كانت عظيمة.. ديه حقوقو ناس.. عشان ممناش اللي وقف جنبا.. طب فترة السماح كانت 7 فانا قولتلهم خليها 12 سنة.

- السيسي: مصر عايز مش أقل 200 ل300 مليار دولار عشان تتبني.. عشان يكون فيه أمل حقيقي.

- السيسي: الدولة المتقدمة زي الصين تفكر في المساهمة بالطريق ديه يعني مشروعات تقوم بيها شركاتها على سنين طويلة للسداد.. التزام المصريين بالسداد أمر لا يقبل الشك.

- السيسي: جتلي دعوة من المستشارة الألمانية وأنا بشكرها.. أنا أقدر واحترم هذه الدولة .. فشكرا لها .

- السيسي: نشكر بكل خير صاحب هذه الدهوة هو مش موجود معانا لكن عمل حاجة.. ده اللي ممكن كتير مننا يعمله يسيب فكرة تعيش سنين طولية.. فكرة عقد المؤتمر والدور اللي قام بيه بيأكد أنننا هنعمل هذا اللقاء كل سنة مرة.. مش لينا احنا بس.. لا يبقي تجمع اقتصادي للدول اللي بتمر بظروف صعبة.. ونا بدعو المستثمرين يكونوا موجودين معانا السنة اللي جاية.

- السيسي: السنة الجاية هنجي ونلاقي منظر مختلف خالص في المحافظة.. طرق وكباري وإنشاءات...احنا عايزين المؤتمر يكون سنوي ونجهزه كويس مش بس لينا لا لكل اللي محتاج.. وكل المستثمرين الموجودين يكونوا معانا.

السيسي: اللي بيتعمل كتير.. لكن المطلوب أكتر .. فاللي بيتعمل لسه ما بناش

السيسي: عايزين نعمل محافظات جديدة.. لكن الكالام ده عايز فلوس كتير اوي وجهد كتير اوووووووووي.

- السيسي: أنا بشكركم جميعا .. كل اللي حضروا .. واللي اناب في الحضور.. وساهم في هذه المؤتمر.. انا متعرفوش انتوا فرحتوا الشعب المصري ازاي.

- السيسي: المؤتمر المصريين كانوا متابعينه لحظة بلحظة.. لانهم لما حبوا يغير في 25 يناير غيروا.. ولما حبوا يغيروا في 30/6 برضه غيروا.

- السيسي: المصريين لو عايزين يغيروا تاني هيغيره.. بس انا والله لا يمكن استني ابداااااا لما يحصل.

- السيسي: خلي بالكم حب البلد مش كلام.. انا بقولكم كلكم حب البلد مش كلام .. احنا بنحب بلادنا وعايزين نخليها قد الدنيا.

- السيسي: أنا بقول للمصرينن الناس جت من كل مكان عشانكم.. ورد الفعل والاستعداد للتعاون مع مصر كان رسالة للعالم كله.. فاحنا عايزين نشتغل معاهم ومع نفسنا ومع بعضنا البعض قد اللي احنا بنعمله مئات المرات .. الاف المرات. كنت بقولكم ان المؤتمر الاقتصادي دراع مصر.. لكن بقيت الجسم كله محتاج يشتغل معاه.. ومحدش ابدا يستهتر بقوته.. اشتغل واعمل لأجل خاطر بلدك.