قال الرئيس عبد الفتاح السيسي، إنه رهن إرادة الشعب المصري، ولا يمكنه عدم التجاوب مع إرادة المصريين، وذلك تعليقا منه على سؤال حول ترشحه في الانتخابات الرئاسية 2018.

وأوضح السيسي، في حوار مع رؤساء تحرير الصحف القومية -بحسب صفحة السيسي على فيس بوك "لا يمكن أبدا ألا أتجاوب مع إرادة المصريين، أنا رهن إرادة الشعب المصري، ولو كانت إرادة المصريين هي أن أخوض انتخابات الرئاسة سأفعل ذلك".

وأجرى السيسي حوارا مع رؤساء تحرير الصحف القومية "الأخبار- الأهرام- الجمهورية" نشر منه حلقتان وتنشر الثالثة غدا الأربعاء.

وتباينت تعليقات المتابعين لصفحة السيسي على فيس بوك ما بين مؤيد لاستمراره ورافض لوجوده.

خالد محمد كتب "ستفعل وكلنا معاك وستنجح ان شاء الله" وقالت رامين علي الصاوي "ستفعل يا ريس ان شاء الله و لن تتخلي عنا ابدا و سندعمك ما حيينا"

وكتب محمد رمضان "مع كامل الاحترام والتقدير للجميع يا ريت ياريس متسمع لحد وكلنا وراك وربنا يعينك ويقويك ويوفقك بس يا ريت خطوة واحدة طالبنها من سيادتك توافر وظائف للشباب .. تحيا مصر".

وقالت سماح هيثم "طبعا مع احترامي لحضرتك أنت إن شاء الله معانا لحد ٢٠٥٠ يعنى لو ربنا أدانى الصحة أكون جوزت عيالي واطمنت عليهم في وجودك معانا غير كده ما ينفعش تسيب البلد بعد ما هدينا ونفسيتنا هديت وحسينا بالأمن والأمان وحسينا بمستقبل مشرق لعيالنا ربنا معاك ويقويك ويعينك".

وقالت سماح محمد "المصريين وراك يا ريس ربنا يحميك ويجعل كل الخير بين أيديك ويجعل لك في كل خطوة نصرة إنه على ذلك قدير".

وكتب حسام عبد الحميد "الأسعار يا ريس أرجوك نظرة الناس بتموت من الأسعار".

ووجه بعض المتابعين لصفحة الرئيس اعتراضات على ترشحه للانتخابات 2018 حيث كتب كوجي إسبانا "أبوس أيدك كفايا كده أنا موظف ومن شهرين اقسم بالله ما خدت مرتبي أبوس أيدك هأموت من الانبهار سيب المركب لغيرك بكل شياكه وإحنا عارفين انك لوحدك ؟؟؟  بس إحنا خلاص عاوزين نموت بعد إذنك علشان كده كتير عليناااا أبوس أيدك كفاااايا".

وكتب أحمد بدر "هأحاول اكتب كومنت منطقي يا ريس أنت غير قادر على وضع إستراتيجية للملفات الرئيسية في البلد أدائك عشوائي معتقد أنك خارق القدرات تستطيع قيادة بلد كامل بمجموعة قرارات فردية".

وكتب أحمد علي "والله أنت شايف غلط ومحتاج نظارة ارحم مصر وبلاد المسلمين وارحل غير ماسوف عليك".

تعليقات على صفحة الرئيس