قال الرئيس عبد الفتاح السيسي، اليوم الخميس، إن مصر لا تشهد أي استئثار بالسلطة.

وفي مداخلة خلال إحدى جلسات اليوم الثالث للمؤتمر الوطني للشباب بشرم الشيخ بثها التلفزيون الرسمي، قال السيسي "اللي احنا شايفينه النهاردة تطور كبير ودليل على أن مافيش استئثار بالسلطة.. مصر بتتغير".

وأشار إلى أن الدول المتقدمة "يهمهم أنهم يعملوا تعليم كويس عشان ينتج منتج كويس يقود الدولة.. لكن عشان نستنى المنتج ده محتاجين 10-15 سنة مافتكرش عندنا الوقت لكده".

وتابع "لازم نشوف آلية أننا ننتخب من التسعين مليون في كل التخصصات المختلفة.. ونجيب النجباء في الأمة المصرية وبعدين اذا كانوا محتاجين تأهيل فترة وبعدين ندفع بيهم للعمل.. مش بكلم على وزارة أو حكومة بكلم على مؤسسات الدولة".

وأضاف "إذا نجحنا في كده نبقى اختصرنا الوقت المطلوب عشان نواجه التحديات اللي بتواجه الدولة".