قال الرئيس عبد الفتاح السيسي، اليوم السبت، إن البعض يحاولون استهداف إرادة المصريين عن طريق التشكيك في الإنجازات التي تحققها الدولة، محذرا في الوقت نفسه من محاولات إثارة الفتنة بين المصريين.

وأضاف السيسي، في كلمته أثناء الاحتفال بذكرى افتتاح قناة السويس الجديدة بثها التلفزيون الرسمي، أن هناك "جهد يبذل لتحويل إرادة المصريين اللي موجودة جواهم إلى إحباط ويأس".

وتابع "علطول يطلع ناس مننا - نسبة صغيرة - بقصد أو من غير قصد يتكلموا يوشككوا في أي مشروع يتعمل والهدف من كده عشان أنتم أبدا يا مصريين ماتحسوش أنكم بتطلعوا قدام ومهما اتعمل يتقال مافيش أمل".

واستشهد السيسي على كلامه قائلا "نيجي نعمل مشروع قناة السويس عشان نرفع كفاءة وتصنيف القناة لمجابهة التطور اللي هيتم يطلع ناس تقولك لا القناة بتخسر.. طب أنت ماتعرفش دخل القناة ولا مساره فين".

وأضاف "نيجي نعمل المليون ونصف فدان يقولوا الجدوى الاقتصادية من المشروع ايه.. نيجي نعمل شبكة طرق قومية بعد ما يقولوا الطرق المصرية طرق موت يقولوا لأ أنتم بتعملوا شبكة طرق ليه".

وقال إن المستهدف هو إرادة المصريين "عشان ماييبقاش عندهم إرادة ونحبط الناس.. فالهدف من التشكيك في كل إنجاز هو ضرب إرادة الشعب المصري وده مستحيل".

وحذر السيسي من محاولات إثارة الفتنة قائلا "اصطفافنا واننا نبقى مصريين.. خلوا بالكم محدش يدخل بينا ومحدش يعمل فتنة عشان يبقى فيه شر بين المصريين.. لازم نبقى كلنا واعيين". 

وعلق السيسي على محاولة الاغتيال التي تعرض لها مفتي الجمهورية السابق علي جمعة قائلا "الواقعة بتاعة امبارح كان الهدف منها أن النهاردة يبقى يوم صعب علينا كلنا لكن ربنا مأردش وحمانا.. اه فيه شرطة وفيه ناس ممكن تكون اتصابت لأن الكيد ده مانجحش".

وأطلق ملثمون النار على المفتي السابق أمس الجمعة أثناء توجهه لأداء صلاة الجمعة ولاذوا بالفرار، وأسفر الهجوم عن إصابة الحارس الشخصي لجمعة.

وحذر من جماعة الإخوان قائلا "محتاجين كلنا اننا نخلي بالنا كويس من (أصحاب) كلمة "لنحكمكم لنقتلكم" لحد ما هما يبقى عندهم يأس حقيقي رغم أن بلدنا ممكن تشلنا وتكفينا كلنا".

وطالب السيسي مؤسسات الدولة بزيادة الجهود المبذولة للتواصل مع المواطنين، قائلا "مزيد من التواصل بين الدولة وشعبها لمزيد من الشرح نقول أكتر .. تكلموا كثيرا مع المصريين عشان ماتدوش فرصة لحد إنه يشوش على الحقائق، لذلك بقول مزيد من التواصل".

كما طالب الرئيس، في ختام كلمته، بالوقوف دقيقة حداد على روح العالم الدكتور أحمد زويل.