عقَّبَ الرئيس عبد الفتاح السيسي، اليوم الاثنين، على حادث غرق مركب مهاجرين غير شرعيين قبالة سواحل رشيد قائلا "بلدنا أولى بينا.. وكل مواطن يسقط في رقبتي ورقبتنا كلنا".

وغرق مركب يوم الأربعاء خارج قرية برج رشيد إحدى قرى البحيرة وعلى متنه مئات المهاجرين غير الشرعيين من مصر والسودان والصومال وإريتريا. وانتشلت فرق الإنقاذ 168 جثة حتى الآن.

وكان السيسي طالب يوم السبت بسرعة ملاحقة المتسببين في الحادث، وكلف الحكومة بالعمل مع البرلمان لإقرار قانون مكافحة الهجرة غير الشرعية.

وأضاف السيسي، في كلمة خلال افتتاح مشروع بشاير الخير بالإسكندرية بثها التلفزيون الرسمي، "إحنا كدولة بمؤسساتها مهمتها مش بس تحمي حدودها وتمنع الهجرة غير الشرعية لكن كمان المجتمع معاها لازم يساهم في دوره أن الموضوع ده مايتكررش".

وتابع "هو فيه أمل ولا مفقيش أمل؟.. لأ فيه أمل وهتكلم تحديدا على المنطقة اللي حصل فيها الموضوع مشروع استزراع سمكي قد يكون الأكبر على مستوى مصر خلال شهرين تلاتة".

وأشار السيسي إلى أن مشروع الاستزراع يتكون من مصانع للاستزراع السمكي وتشمل المرحلة الأولى منه ألفين و500 حوض للاستزراع، وقال "لكن بالنسبة للبرلس وكفر الشيخ عشان الناس يكون عندهم أمل بجد أنا بقول كلام بس بيحتاج وقت عشان يبقى واقع".

وقال "عاوز أقولكم إن أي شاب من شبابنا عشان يطلع يعمل كجده بيدفع مبالغ كتيرة.. بلدنا أولى بينا بلدنا أولى بينا.. إحنا ليه هنتحول كده نسيب بلدنا هو مفيش شغل فيها.. لا والله هو فيه شغل.. ده كلام بقوله وأنا مسؤول لأن كل مواطن يسقط ده في رقبتي ورقبتنا كلنا".

واعتبر السيسي في حديثه أن جزء من حل مشكلة الهجرة غير الشرعية هو قضاء المسؤولين على البيروقراطية. وقال "فيه أمل بس مش هنقدر نعبر كل التحديات ونخلص عليها في سنة واتنين أو أربعة".

ووجه السيسي رسالة إلى الشباب قائلا "سايبها وماشي ليه.. تزعلنا وتزعل أسرتك وتزعل مصر كلها عليك ليه طب ما إحنا مش سيبينك خالص بلدك مصر مش سيباك". وأردف قائلا "إحنا بنحل المشاكل بس محتاجين وقت".